ألعاب المجلس: ألعاب جماعية عربية أونلاين
ألعاب المجلس موقع عربي مجاني فيه 18 لعبة تلعبونها من المتصفح مباشرة بدون تحميل ولا تسجيل، على الجوال أو الكمبيوتر أو شاشة التلفزيون في المجلس. مناسبة للشباب والعائلة والطلعات والاستراحات، وتحتاج بس واحد يكون حَكَم.
لو خيّروك
سؤال «لو خيّروك: كذا ولا كذا؟» وكل واحد يختار سراً، وبعدها تنكشف اختيارات الشلة بالنسب. أكثر من 300 سؤال في 8 فئات، وتقدرون تضيفون أسئلتكم، وفي الأخير كل واحد ياخذ لقبه: ابن الشلة والغريب وتوأم الروح. على جوال واحد أو كل واحد من جواله بالروم. العب لو خيّروك
قلها بدون ما تقولها
لعبة فريقين: توصّف الكلمة لفريقك بدون ما تقولها ولا تقول أي كلمة من الكلمات الممنوعة الحمراء، والفريق الثاني يراقبك. 200 بطاقة في 10 فئات، ووقت وجولات على كيفكم. العب قلها بدون ما تقولها
إنسان حيوان جماد
اللعبة المعروفة بالورقة والقلم صارت أونلاين: يطلع حرف وكل واحد يكتب إنسان وحيوان ونبات وجماد وبلاد من جواله، والشاشة تصحّح وتحسب النقاط لحالها (10 للإجابة الفريدة و5 للمكررة). فيها 14 فئة تختارون منها، أو العبوها على الورق والموقع يطلع الحرف ويحسب الوقت. العب إنسان حيوان جماد
تحدي الذكاء
اكتب أي موضوع والذكاء الاصطناعي يألّف لك أسئلة جديدة عنه كل مرة، للاعب واحد أو فريقين. العب تحدي الذكاء
المافيا
لعبة الأدوار السرية أونلاين من 4 إلى 12 لاعب، كل واحد من جواله ومع فويس داخل اللعبة: مافيا وطبيب وشرطي ومواطنين. بالليل المافيا يختارون ضحيتهم ويتكلمون مع بعض بس، وبالنهار نقاش وتصويت. العب المافيا
على راسك
حط الجوال على جبهتك والشلة يوصفون الكلمة بدون ما يقولونها، ميّله لتحت لو عرفتها ولفوق لو تبي تعدّي. العب على راسك
مين فينا؟
سؤال «مين فينا…؟» والكل يصوّت سراً، وفي الأخير كل واحد ياخذ لقبه. على جوال واحد أو بالروم. العب مين فينا؟
تحدي الحروف
لعبة الحروف المعروفة بلوحة خلايا سداسية: فريقين يتنافسون على الحروف، كل خلية سؤال إجابته تبدأ بحرفها، وأول فريق يربط ضلعيه يفوز. فيها أكثر من 6500 سؤال في 8 مواضيع (السعودية، الدين، التاريخ، الجغرافيا، العلوم، الرياضة، الحيوانات، والسيارات) وأربع صعوبات. العب تحدي الحروف
تحدي التوب 10
تحدّى نفسك أو صديقك: تطلع لك قائمة مثل «أكثر 10 دول سكاناً» وتكتب عناصرها قبل ما يخلص الوقت. أكثر من 300 قائمة في كرة القدم والألعاب والأنمي والجغرافيا والتاريخ والفن والاقتصاد، مع تلميح بأربع خيارات ونمط سباق الوقت. العب التوب 10
كمّل
لعبة فريقين وحكم بخمسة أنماط: خمّن صوت المغني من مقطع صوتي، من هو المغني، كمّل الأغنية، مسيرة اللاعب من أنديته، ووش السيارة من مواصفاتها. العب كمّل
تحدي المليون
مسابقة على نمط برنامج «من سيربح المليون»: 15 سؤال اختيار من متعدد (من بنك فيه أكثر من 1100 سؤال) تتصاعد صعوبتها من 100 ريال إلى مليون، مع مبالغ مضمونة ووسائل مساعدة: حذف إجابتين، اسأل الجمهور، اتصل بصديق، وتبديل السؤال. العب تحدي المليون
برا السالفة
لعبة جماعية من 3 إلى 12 لاعب على جوال واحد: الكل يشوف نفس الكلمة إلا واحد «برا السالفة». تسألون بعض أسئلة ذكية، وبعدها تصوّتون سراً مين اللي برا السالفة، وإذا انكشف عنده فرصة يخمّن الكلمة. فيها أكثر من 1100 كلمة في 20 سالفة: أكلات، أماكن، مهن، حيوانات، دول، مدن سعودية، أندية، ألعاب فيديو وغيرها. العب برا السالفة
مثّلها
لعبة التمثيل الصامت بين فريقين: واحد يمثّل الكلمة بدون كلام وفريقه يخمّن قبل ما يخلص الوقت. فئات: حيوانات، أفعال، مهن، أكلات، أماكن، رياضات، أفلام ومسلسلات، وأمثال شعبية. العب مثّلها
ارسمها
لعبة رسم وتخمين بين فريقين: واحد يرسم الكلمة بإصبعه وفريقه يكتبون وش الرسمة، والأسرع ياخذ نقاط أكثر. تنلعب على شاشة وحدة أو من جوال كل واحد بالروم.
قلّدها: تحدي تقليد الأصوات والرياكشنات
160 رياكشن من يوتيوب لمشاهير عرب وعالميين ورياكشنات مضحكة، مثل القصبي وعادل إمام ودحومي ورونالدو ومستر بين، وأصوات حيوانات وسيارة إسعاف، وتقلّدها بصوتك. الذكاء الاصطناعي يحلل تقليدك (الإيقاع والنغمة وخامة الصوت) ويقارنه بالأصل ويعطيك تقييم من 10 مع تعليق بالسعودي. فيها تحدي فردي وتحدي للشلة من 2 إلى 8 لاعبين. العب قلّدها
القنبلة
لعبة جماعية من 3 إلى 12 لاعب: يطلع طلب مثل «حيوان يبدأ بحرف الباء»، تقول كلمة صحيحة وتمرّر الجوال بسرعة قبل ما تنفجر القنبلة بوقت عشوائي ما أحد يعرفه. العب القنبلة
لا تطيح ومين أعلى
تحديات فردية سريعة بثلاث قلوب: في «لا تطيح» أسئلة ورا أسئلة والوقت يقصر، وفي «مين أعلى» تختار مين ترتيبه أعلى في قوائم التوب 10. وفيها تحدي يومي بنفس الأسئلة لكل الناس. العب لا تطيح · العب مين أعلى
الإعادات
كل مباراة تلعبونها تنحفظ على جهازكم، وتقدرون تشاهدونها خطوة بخطوة أو تلعبونها مرة ثانية بنفس الأسئلة. شوف الإعادات
أسئلة شائعة
هل ألعاب المجلس مجانية؟
نعم، كل الألعاب مجانية بالكامل وتشتغل من المتصفح بدون تحميل ولا تسجيل.هل تشتغل على الجوال والآيفون؟
نعم، تشتغل على الآيفون والأندرويد والكمبيوتر والتلفزيون الذكي، وتقدر تنزّلها كتطبيق على الشاشة الرئيسية لجوالك من زر «نزّلها كتطبيق».هل تتكرر الأسئلة؟
كل جوال يتذكر وش طلع له من أسئلة وكلمات وقوائم، وما يرجّعها إلا بعد ما يخلص البنك كله، وأسئلة الفورمولا والسباقات تطلع في المستويات الصعبة بس.كم عدد اللاعبين؟
تحدي الحروف وكمّل ومثّلها وقلها بدون ما تقولها لفريقين، ولو خيّروك وإنسان حيوان جماد من 2 إلى 12، وبرا السالفة والقنبلة من 3 إلى 12 لاعب، وقلّدها للاعب واحد أو للشلة، ولا تطيح ومين أعلى وتحدي المليون للاعب واحد.هل تحتاج إنترنت؟
تحتاج إنترنت لفتح الموقع، ونمط «خمّن صوت المغني» يحتاج إنترنت لتشغيل المقاطع.هل أقدر ألعب من أكثر من جهاز؟
نعم. في الألعاب اللي فيها روم، واحد يفتح اللعبة على جواله أو التلفزيون ويضغط «سوّ روم»، والباقين يدخلون بالكود أو الرابط من جوالاتهم، حتى لو كل واحد في بيته.وش الألعاب اللي تحتاج روم؟
المافيا تنلعب بالروم بس. وبرا السالفة والقنبلة ومثّلها وارسمها وتحدي الحروف وكمّل وقلّدها ومين فينا ولو خيّروك وإنسان حيوان جماد تقدر تلعبونها على جوال واحد (أو ورقة وقلم) أو بالروم، على كيفكم.وش الألعاب اللي تحتاج مايك؟
قلّدها تحتاج المايك عشان تسجّل تقليدك. والمافيا فيها فويس اختياري تتكلمون فيه مع بعض. باقي الألعاب ما تحتاج مايك.هل أقدر ألعب على شاشة التلفزيون؟
نعم. افتح الموقع من متصفح التلفزيون أو اعرض شاشة الجوال عليه، وفي الألعاب اللي فيها روم خلّ التلفزيون هو الشاشة والكل يلعب من جواله. والقنبلة فيها وضع «شاشة كبيرة».هل تنحفظ النتائج إذا قفلت الموقع؟
النقاط والإعدادات وأرقامك القياسية والإعادات تنحفظ في متصفح جهازك نفسه، وترجع لك لما تفتح الموقع مرة ثانية. بس ما تنتقل لجهاز ثاني، وتنمسح لو مسحت بيانات المتصفح.هل الإعادات تحفظ كل الألعاب؟
تحفظ أغلبها: تحدي الحروف، التوب 10، كمّل، تحدي المليون، برا السالفة، مثّلها، ارسمها، القنبلة، قلّدها، لا تطيح، ومين أعلى. والمافيا وعلى راسك ومين فينا وتحدي الذكاء ولو خيّروك وقلها بدون ما تقولها وإنسان حيوان جماد ما تنحفظ لها إعادات.هل أقدر ألعب بدون إنترنت؟
لازم إنترنت عشان تفتح الموقع. بعدها أغلب الألعاب اللي على جوال واحد تكمّل لو ضعف النت، بس الرومات والفويس والذكاء الاصطناعي ومقاطع الأغاني تحتاج إنترنت طول الوقت.وش الألعاب اللي تحتاج حكم؟
تحدي الحروف وكمّل فيها حكم يضغط صح أو غلط. وفي تحدي الحروف تقدرون تستخدمون «الحكم 🧑⚖️»: تكتبون له الجواب وهو يحكم. وباقي الألعاب تحسب لحالها.هل أقدر ألعب مع شخص واحد بس؟
نعم: تحدي الحروف (كل واحد فريق)، والتوب 10، وتحدي الذكاء (فريقين)، وعلى راسك. والألعاب الفردية مثل تحدي المليون ولا تطيح ومين أعلى تلعبها لحالك وتقارن نتيجتك. والمافيا تحتاج 4 على الأقل، وبرا السالفة والقنبلة ومين فينا 3 على الأقل.هل فيه ألعاب تدعم اللعب الجماعي عن بعد؟
نعم، كل ألعاب الرومات: المافيا (مع فويس)، برا السالفة، القنبلة، مثّلها، ارسمها، تحدي الحروف، كمّل، قلّدها، مين فينا، لو خيّروك، وإنسان حيوان جماد. كل واحد يدخل من جواله بالكود.وش الفرق بين الألعاب؟
ألعاب الذكاء: تحدي الحروف، تحدي المليون، تحدي الذكاء، التوب 10، كمّل. ألعاب الضحك: قلّدها، المافيا، مين فينا، لو خيّروك، مثّلها، برا السالفة، ارسمها، قلها بدون ما تقولها. ألعاب السرعة: القنبلة، على راسك، إنسان حيوان جماد، لا تطيح، مين أعلى. وفي الصفحة الرئيسية اختاروا «وش تبون تلعبون؟» ويطلع لكم المناسب.هل الأسئلة دائماً لها إجابة صحيحة واحدة؟
في تحدي المليون وتحدي الذكاء فيه خيار واحد صحيح من أربعة. وفي تحدي الحروف للسؤال جواب واحد، والحكم يقبل الصياغة الثانية لنفس الجواب. وفي التوب 10 الجواب أي عنصر من القائمة.إذا السؤال طلع غلط، هل فيه زر للإبلاغ؟
للحين ما فيه زر إبلاغ داخل اللعبة. وفي تحدي الحروف تقدرون تغيّرون السؤال أو تلغونه، والحكم يقدر يعطي النقطة يدوياً أو يتراجع عن آخر حركة لو انضغط زر بالغلط.هل يقدر اللاعب يختار عدد الأسئلة؟
في تحدي الذكاء (5 أو 8 أو 10) ومين فينا (من 5 إلى 20) وعلى راسك (عدد الأدوار والوقت). وتحدي المليون ثابت 15 سؤال، وتحدي الحروف يعتمد على اللوحة.هل يقدر يحدد موضوع السؤال؟
نعم: في تحدي الحروف تختار من 8 مواضيع، وفي التوب 10 تختار الفئة، وفي تحدي الذكاء تكتب أي موضوع تبيه والذكاء الاصطناعي يألّف عنه.هل الأسئلة تتكرر؟
الموقع يحاول ما يكرر نفس السؤال في نفس المباراة، ويتذكر الكلمات والأسئلة اللي طلعت لك قبل في كثير من الألعاب. بس مع كثرة اللعب ممكن يتكرر بعضها، وتحدي الذكاء يألّف أسئلة جديدة كل مرة.هل فيه وقت للإجابة؟
نعم في أغلبها: تحدي الحروف فيه وقت لكل سؤال ويتغير مع الجرس، وتحدي الذكاء 25 ثانية، وعلى راسك وقت لكل دور، والقنبلة وقتها مخفي، والمافيا فيها وقت للنقاش والتصويت.مبرمج اللعبة: محمد الغامدي